"የጌዴኦ ዞን የኢሬቻ በዓል የፍቅር ስጦታ ለአባጋዳዎች አበረከቱ ‎ ‎(ዲላ መስከረም 23/2019 ዓ/ም) የጌዴኦን ዞን የወከሉ ልዑካን ቡድን በኢሬቻ በዓል በመታደም ከወንድም ኦሮሞ ህዝብ ጋር ‘ሆረ ፊንፊኔ’ ኢሬቻ በዓል በአዲስ አበባ ከተማ አክብሯል። ‎ ‎ዞኑን የወከሉ ልዑካን ቡድን ለአባጋዳ ጃርሳ ጡጎ እና ለአባጋዳ ኤብሳ የቡሉኮ ስጦታ አበርክቷል። ‎ ‎ስጦታውን የተረከቡት አባጋዳዎችም ዞኑን በኦሮሞ ህዝብ ስም አመስግነዋል። ‎ዘገባው የጌዴኦ ዞን የመንግስት ኮሙኒኬሽን አገልግሎት ነው።"

"የጌዴኦ ዞን ሉዑካን ቡድን የ '‘ሆረ ፊንፊኔ" ኢሬቻ በዓል ላይ ለመታደም ወደ ስፍራው አቅንቷል ‎ ‎(ዲላ መስከረም 23/2019 ዓ/ም) የዞን አስተዳደር የባህል መሪ በአባ ገዳ ተወካይ ሐይቻዎች "ሆረ ፊንፊኔ" ኢሬቻ በዓል ላይ ለመታደም ወደ ስፍራ አቅንተዋል ። ‎ ‎የገዳ ሥርዓት አንዱ አካል የሆነው የኢሬቻ በዓል በኦሮሞ ህዝብ ባህል እምነትና ማንነት ትልቅ ቦታ ያለው በአንድነትና በፍቅር በልዩ ድምቀት የሚከበር ታላቅ የምስጋና በዓል ነው፡፡ ‎ ‎ሁለቱ ወንድም ህዝብ ለዘመናት በአባ ገዳ ስርዓት በመተሳሰር ለሀገር ግንባታ እና ለልማት አብሮ የኖሩ ህዝቦች ናቸው ። ‎ ‎@የጌዴኦ ዞን የመንግስት ኮሙኒኬሽን አገልግሎት! ‎"

"ርዕሰ መስተዳድር ተስፋዬ በልጅጌ (ዶ/ር) ከክልሉ አስፈጻሚ አካላት ጋር በቀጣይ ተግባራት ዙሪያ መከሩ ርዕሰ መስተዳድር ተስፋዬ በልጅጌ (ዶ/ር)፤ በዛሬው ዕለት የተካሄደውን የክልሉ የመንግስት ምስረታ ተከትሎ፤ ከክልሉ አስተባባሪና አስፈጻሚ አካላት ጋር በቀጣይ ተግባራት ዙሪያ በመምከር የስራ ስምሪት ሰጥተዋል፡፡ ክቡር ርዕሰ መስተዳድሩ በዚሁ ወቅት፡- በዛሬው የምስረታ ጉባኤ ከክልሉ ሕዝብ፤ ከፓርቲና መንግስት የተሰጠን ከፍተኛ ኃላፊነት ህዝብን በቅንነት የማገልገል ታሪካዊ ዕድል መሆኑን በውል በመገንዘብ፤ የተሰጠንን ዕድል በጥንቃቄ ይዞ ኃላፊነትን በሙሉ አቅም በመወጣት ተጨባጭ ውጤት ለማስመዝገብ መስራት ይገባል ሲሉ ተናግረዋል፡፡ ሁለንተናዊ ብልጽግናን በማረጋገጥ የተሻለች ሀገር ለትውልድ ለማሻገር አቅዶ የተነሳ ፓርቲና መንግስት አመራሮች ነን ያሉት ርዕሰ መስተዳድሩ፤ አመራሩ ሙሉ ትኩረቱን ሥራ ላይ በማድረግ ለለውጥ መትጋት እንደሚገባው አስገንዝበዋል፡፡ በዚህ ረገድ ባለፉ ጊዜያት በየዘርፉ የተመዘገቡ ውጤቶች ዘላቂነትን በማረጋገጥ እንዲሁም ለላቀ ውጤት በትኩረት በመስራት ለሀገራዊና ክልላዊ የሰላምና የብልፅግና ትልም ስኬት የተቀናጀ ርብርብ ማድረግ እንደሚገባ ገልፀዋል፡፡ ጠንካራ አመራር ከትላንት ወረትን አካብቶ፤ ዛሬን ለነገ አቅዶ የሚሰራ ነው ያሉት ርዕሰ መስተዳድሩ፤ አመራሩ ከመቸውም ጊዜ በላይ የተሟላ የአመራር ብቃትንና ብዝኃ ታታሪነትን ተላብሶ የሚጠበቅበትን የመሪነት ሚና በአግባቡ ሊወጣ እንደሚገባ አሳስበዋል፡፡ በተለይ ክልሉ ያለውን ሰፊ ፀጋ በአግባቡ በመጠቀም የህዝብ አዳጊ የልማት ጥያቄዎችን ለመመለስ መትጋት የሚገባ መሆኑንም ጠቅሰው፤ ለዚህ አመራሩ ሥራዎችን በጠንካራ ተቋማዊ ማዕቀፍ፤ በጥብቅ ዲስፒሊን መምራት እንደሚገባው አስምረዋል፡፡ ርዕሰ መስተዳድሩ ለስራዎች ውጤታማነት ከአመራሩ የሚጠበቁ ቀጣይ አቅጣጫዎችንም አስቀምጠዋል፡- * አመራሩ የፓርቲ ዲሲፕሊንን የጠበቀ፤ በመደመር ዕሳቤ የሚመራ፤ የብልፅግና መርህ ላይ የቆመ መሆን ይኖርበታል - በዚህ ረገድ ግንኙነቱን በወንድማማችነትና እህትማማችነት እሴት ላይ በመመስረት የተግባርና የአመለካከት አንድነቱን ጠብቆ በኅብረትና በትብብር መስራት ይገባዋል፤ * አመራሩ በተግባሩም ሆነ በምግባሩ አራአያ መሆን ይገባዋል - ወደ ብልጽግና የሚደረግ ጉዞን የሚመራ አመራር የሚለፋና የሚተጋ፤ በስራው ተጨባጭ ለውጥ በማምጣት የሚቀይር እንዲሁም በምግባሩ ወንድማማችነትን የሚተከል ልሆን ይገባዋል፤ * የልማት እንቅስቃሴዎችን ማጠናከር -በተለይ እንደ ሀገር በወጥነት ሊሳኩ የሚገቡ ሀገራዊ የልማት ኢንሼቲቮችን - የሌማት ትሩፋት፣ የግብራና ትራንስፎርሜሽንን የማረጋገጥና ግብርናን ከዝናብ ጥገኝነት ለማላቀቅ መካናይዜሽን ላይ ማተኮር፣ የገጠርና የከተማ ኮሪደር ልማት ስራዎች እንዲሁም መሶብ የአንድ ማዕከል አገልግሎት ተደራሽነትን የማስፋትና ጠንካራ ተቋም የመገንባት ተግባራት፤ *በተመሳሳይ በኢንቨስትመንትና ቱሪዝም ዘርፍ ያሉ አቅሞችን አሟጦ መጠቀም፤ የኢንዳስትሪና አግሮፕሮሰሲንግ፤ የክህሎት መር የስራ ዕድል ፈጠራ ተግባራት፤ የትምህርት ዘርፍ ስራዎች እንዲሁም ገቢን የማሳደግ ተግባራትን በትኩረት መስራት፤ * ክልሉን የሰላም ተምሳሌት ለማድረግ የተጀመሩ፤ የክልሉን ሰላምና ደህንነት የማስጠበቅ ስራዎችን ማጠናከር፤ በመደመር ዕሳቤና ዕሴት የህዝብ ለህዝብ ግንኙነቶችን በማጎልበት በፅኑ የኅብረ-ብሔራዊነት መሰረት ላይ የተገነባ፤ በተደማሪ አቅም ሁለንተናዊ ብልጽግናን ማረጋገጥ የሚችል ክልል መገንባት ይገኙበታል፡፡ #ርዕሰመስተዳድርጽቤት"

"ጤና ጣቢያው ለማህበረሰቡ ፍትሃዊ የጤና አገልግሎት ተደራሽ ለማድረግ በትኩረት እየሰራ መሆኑን ገለፀ ዲላ፡መስከረም፣22/2019 ዓ.ም በዲላ ከተማ አስተዳደር የስሶታ ጤና አጠባበቅ ጣቢያው የ2019 በጀት ዓመት 1ኛ ሩብ ዓመት የህዝብ ፎረም መድረክ አካሂዷል። በመድረኩ ላይ የዲላ ከተማ አስተዳደር ምክር ቤት ጽ/ቤት ኃላፊ አቶ አለማየሁ ጅግሶ ጤና ጣቢያው የማህበረሰብ ፎረም በጤና ጣቢያዎች እና በአካባቢው ማህበረሰብ መካከል ግንኙነትን በመፍጠር፣ የጤና አገልግሎት አሰጣጥን ጥራትና ፍላጎት ለመገምገም የተዘጋጀ የውይይት መድረክ መሆኑን ገልፀዋል ። በአገልግልት አሰጣጥ ዙሪያ የተሰጡት አስተያየት በመቀበል መሻሻሎች መኖራቸውን ጠቁመው በቀጣይነት ለማህበረሰቡ ጥራት ያለውን አገልግሎት እንዲሰጥ ምክርቤት የድጋፍና ክትትል ስራዎችን እንደሚያደርግ አረጋግጠዋል። የ2019 በጀት ዓመት 1ኛ ሩብ ዓመት ሪፖርት ያቀረቡት የስሶታ ጤና አጠባበቅ ጣቢያው ዳይሬክተር ወይዘሮ አስቴር ጀቦ ከዲላ ዙሪያ ወረዳ ወደ ዲላ ከተማ አስተዳደር መመለሳቸው በጤና ጣቢያው ከፍተኛ ለውጥ መመዝገባቸውን አንስተዋል። በተለይም መድኃኒት አቅርቦት የማህበረሰብ ፍላጎት ያሟላ መሆኑን የገለፁት ወይዘሮ አስቴር አድስ አልትራሳውንድ ማሽን መግዛታቸውን አብራርተዋል። የጤና ጣቢያው ለማህበረሰብ ጥራት ያለውና ቀልጣፋ አገልግሎት ለመስጠት በትኩረት እየሰሩ መሆናቸው ጠቁመው ከፎረሙ የሚገኙ ሀሳቦችን በየደረጃው የሚገኙ ፈጻሚዎች በመያዝ በሁሉም ዘርፍ የተጠናከሩ ስራዎችን በጋራ ተናቦና ተቀናጅቶ መስራት እንደሚገባ አስገንዝበዋል። ጤና ጣቢያው በሁሉም ዘርፎች የታዩ ጉድለቶችን በማረምና የአገልግሎት አሰጣጥ ስርዓትን በማሻሻል የተገልጋዩን ማህበረሰብ ተጠቃሚነት ለማሳደግ እያከናወነ ባለው ተግባር አበረታች ውጤት እየተመዘገበ ይገኛል ብለዋል። መንግስት የማህበረሰብ ጤናን ለመጠበቅ ልዩ በመስጠት እየሰራ መሆኑን የገለፁት የስሶታ ቀበሌ አስተዳደር አቶ ደሳለኝ ካሳዬ ናቸው። የመድኃኒት ክፍል ባለሙያዎች የሆኑት መስፍን ዘለቀና ስስተር ትንሳኤ መራሳ በበኩላቸው ጤና አጠባበቅ ጣቢያው ወደ ዲላ ከተማ አስተዳደር ከተመለሰ በኃላ የማህበረሰብ ፍላጎት የሚያሟላ የመድኃኒት አቅርቦት መኖራቸውን ተናግረዋል። በፎረሙ ጤና ጣቢያ አገልግሎት አሰጣጥ፣ህብረተሰቡ በጤና ጣቢያው ላይ በሚስተዋሉ ጉዳዮችና በቀጣይ ከችግሮቹ በመላቀቅ ወደተሻለ ደረጃ መድረስ በሚያስችሉ ሀሳቦች ላይ ውይይቱ ተደርጓል። ተሳታፊዎች ጤና አጠባበቅ ጣቢያው ወደ ዲላ መመለሱ የአገልግሎት አሰጣጥ ዙሪያ በርካታ መሻሻሎች እንዳለው ተናግረዋል። በቀጣይ ጠንካራ አፈጻጸም አጠናክሮ በማስቀጠል ክፍተቶችን መቅረፍ እንደሚገባ ተገልጿል። መድረኩ በቀጣይነት መሻሻል ይገባቸዋል ያላቸው ነጥቦች ላይ ሃሳብና አስተያየት ቀርቦ ምላሽና ማብራሪያ አቅጣጫዎችን በማስቀመጥ ፎረሙ መጠናቀቃቸውን የከተማው መንግስት ኮሚኒኬሽን አገልግሎት መረጃ ያመላክታል። ዘገባው፦በወንድሙ ክጴ ምስል፦በአቤነዘር ስዩም"

"የትምህርት ስብራት ለመጠገንና የትምህርት ጥራት ለማረጋገጥ ባለድርሻ አካላት በቅንጅት መስራት እንደሚጠበቅባቸው ተገለፀ ዲላ፡መስከረም፣22/2019 ዓ.ም የዲላ ከተማ አስተዳደር ትምህርት መምሪያ የ2019 ትምህርት ዘመን የተማሪዎች ቅበላ ሂደትና 1ኛ ሩብ ዓመት የሥራ ዕቅድ ክንውን ከትምህርት ባለድርሻ አካላት ጋር የግምገማ መድረክ አካሂዷል። በመድረኩ የተገኙት የዲላ ከተማ ብልጽግና ፓርቲ ጽ/ቤት የዲሞክራሲ ባህል ግንባታ ዘርፍ ኃላፊ አቶ ኢሳያስ ተፈራ እንደገለጹት ትምህርት የሁሉ ነገር መሠረት የሆነ የእውቀት ስብስብ ያለበት ተቋም ነዉ ብለዋል። ከውጤት ስብራት ጋር ተያይዞ የተፈጠሩ ክፍተቶችን በመቅረፍ የትምህርትን ጥራት ለማረጋገጥ መንግስት የሪፎርም ሥራዎች እያከናወነ መሆኑን ጠቁመዋል። በየግዜው የመምህራን አቅም ለመገንባት ከተማ አስተዳደሩ ልዩ ትኩረት ተሰጥቶት እየተሰራ መሆኑን አንስተዋል። የዲላ ከተማ አስተዳደር ትምህርት መምሪያ ኃላፊ ግርማ ዶር (ዶ/ር) እንደገለጹት መንግስት 2030 የትምህርት ስርዓትን ወደ ዲጅታል ስማርት ለመለወጥ በትኩረት እየሰራ መሆኑን ገልጸዋል። ምዘና የትምህርት ቀዳሚ ተግባር በመሆኑ የትምህርት አመራር የተሻለና ተጨባጭ ውጤት ለማስመዝገብ በትኩረት መስራት ያስፈልጋል ብለዋል። የትምህርት ሥራ በአንድ ጊዜ የሚጠናቀቅ ሳይሆን ሂደታዊ ነዉ ያሉት ዶክተር ግርማ ባለድርሻ አካላት ቅንጅታዊ አሰራር እንዲያጠናክሩ አሳስበዋል። በክረምት የንቅናቄ ተግባራትንና ትምህርት ቤቶችን ለተማሪዎች ምቹና ሳቢ ለማድረግ ሥራዎችን ተቀናጅተው በመስራት ውጤት መመዝገቡን የገለፁት የመምሪያ ምክትል ኃላፊ አቶ ኡዊዩ ሀይሉ ናቸው የትምህርት መዋቅር ከተማሪዎች ወላጆች ጋር በ2018 ትምህርት ዘመን ውጤትና 2019 ትምህርት ዘመን አጀማመር ላይ መወያየት እንዳለባቸው አክለዋል። በ2019 ዓ.ም የተማሪ ቅበላ አፈፃፀም 96.4 ላይ መሆኑንና የትምህርት አጀማመር በተሻለ እንደነበርም ከሪፖርቱ ለማወቅ ተችሏል። የመድረኩ ተሳታፊዎች በትምህርት ዘመኑ የተሻለ ውጤት ለማስመዝገብና የትምህርት ጥራት ለማረጋገጥ ከባለድርሻ አካላት ጋር በቅንጅት መስራት ያስፈልጋል ማለታቸውን የከተማው መንግስት ኮሚኒኬሽን አገልግሎት መረጃ ያመላክታል። ዘገባው፦በወንድሙ ክጴ ምስል፦በአቤነዘር ስዩም"

"አቶ ተወልደ ተስፋዬ የደቡብ ኢትዮጵያ ክልል ፋይናንስ ቢሮ ኃላፊ ሆነው ተሹመዋል። መልካም የስራ ጊዜ !"