መምሪያው በከተማ ሕዝብ ጤና ጥበቃና ማሻሻል ረገድ ዋናውን ኃላፊነት ይወጣል። በዚህም መሠረት፡- (ሀ) በከተማ ውስጥ የጤና ኬላዎች፣ የጤና ጣቢያዎችና ሆስፒታሎች ተደራሽነትን በማስፋት መሠረታዊ የጤና አገልግሎት ለሁሉም እንዲዳረስ ያደርጋል፤ (ለ) የእናቶችና ሕፃናት ጤና፣ የክትባት አገልግሎትና የቤተሰብ ምጣኔ ፕሮግራሞችን በማስፋፋት የሕፃናትና የእናቶች ሞት መጠንን ለመቀነስ ይሠራል፤ (ሐ) በከተማ ውስጥ ተላላፊ በሽታዎችን (ወባ፣ ሳንባ ነቀርሳ፣ ኤች አይ ቪ/ኤድስ) ለመከላከልና ለመቆጣጠር የሚያስችሉ ፕሮግራሞችን በማዘጋጀትና በማስፈጸም ይሠራል፤ (መ) በከተማ የሚገኙ የመንግሥት የጤና ተቋማት አስተዳደርና አመራር አቅም እንዲጠናከር ድጋፍና ክትትል ያደርጋል፤ (ሠ) የግል ክሊኒኮችን፣ መድኃኒት ቤቶችንና የላቦራቶሪ አገልግሎት ሰጪዎችን በመመዝገብና በመቆጣጠር የሚሰጠው አገልግሎት ጥራት ያለው እንዲሆን ያደርጋል፤ (ረ) የሕዝብ ጤና ንቅናቄዎችንና የግንዛቤ ማስጨበጫ ፕሮግራሞችን በማዘጋጀት ማኅበረሰቡ ጤና ጠባቂ ባህሪያትን እንዲያዳብር ያደርጋል።