መምሪያው በከተማ ውስጥ የትራንስፖርት አገልግሎትን በማስተባበርና የመንገድ መሠረተ ልማትን በማስፋፋትና በመንከባከብ ረገድ ቁልፍ ኃላፊነት በመወጣት ላይ ይገኛል። በዚህም መሠረት፡- - የከተማዉን መንገዶች አውታር በማስፋፋትና በማሻሻል ለሁሉም ማኅበረሰብ ክፍሎች ተደራሽነትን ለማረጋገጥ ይሠራል፤ - የከተማ መንገዶችን በየወቅቱ በመቃኘት የጥገናና የዕድሳት ሥራዎችን በማስተባበር መንገዶች አገልግሎት መስጠታቸውን ያረጋግጣል፤ - በከተማ ውስጥ ለሚንቀሳቀሱ የሕዝብ ማመላለሻ ተሸከርካሪዎች (አውቶቡስ፣ ታክሲ) ፈቃድ በመስጠት፣ የሚከፍሉትን ታሪፍ በመቆጣጠርና የትራንስፖርት ደህንነትን በማረጋገጥ አገልግሎቱን ይቆጣጠራል፤ - የመንገድ ደህንነት ንቅናቄዎችን በማዘጋጀትና የትራፊክ ሕጎችን በማስከበር የመንገድ አደጋዎችን ለመቀነስ ከሰላምና ጸጥታ መምሪያ ጋር በመተባበር ይሠራል፤ - ከፌዴራል መንገዶች ባለሥልጣን ጋር በመተባበር በከተማ ውስጥ የሚገኙ የፌዴራል መንገዶች ግንባታና ጥገና ሥራዎችን ይከታተላል፤ - በከተማ ውስጥ የሚንቀሳቀሱ የአሽከርካሪ ማሰልጠኛ ተቋማትንና የተሸከርካሪ ጥገና ጋራጆችን በመቆጣጠር የሚሰጠው አገልግሎት ጥራት ያለው እንዲሆን ያደርጋል።