መምሪያው በከተማ ውስጥ ሰላምና ጸጥታን በማስከበር፣ በማስጠበቅና በማስፈን ረገድ ወሳኝ ኃላፊነት አለበት። በዚህም መሠረት፡- (ሀ) በከተማ ውስጥ በተለያዩ ማኅበረሰቦች መካከል ግጭት እንዳይከሰት በመከላከል የሰላም ግንባታና የማስታረቅ ሥራዎችን ያካሂዳል፤ (ለ) ከፖሊስ ኮሚሽን ጋር በመተባበር በከተማ ውስጥ ወንጀሎችን ለመከላከልና ለመቆጣጠር የሚያስችሉ ስልቶችን ይቀይሳል፤ (ሐ) ከሚሊሻ ጽሕፈት ቤት ጋር በመተባበር የከተማን ሚሊሻ ኃይል በማደራጀትና በማሰልጠን ለድንገተኛ አደጋዎችና ለሌሎች የጸጥታ ችግሮች ምላሽ ለመስጠት ዝግጁ እንዲሆን ያደርጋል፤ (መ) በከተማ ውስጥ የሚከሰቱ የወሰን አለመግባባቶችን በሰላማዊ መንገድ ለመፍታት ከሚመለከታቸው አካላት ጋር ይሠራል፤ (ሠ) የተፈጥሮ አደጋዎች ሲከሰቱ የነዋሪዎችን ደህንነት ለማስጠበቅ ከአደጋ ስጋት ሥራ አመራር ኮሚሽን ጋር በመተባበር የማዳንና የእርዳታ ሥራዎችን ያስተባብራል፤ (ረ) በከተማ ውስጥ ያለውን የጸጥታ ሁኔታ በየጊዜው በመተንተን ለከተማ አስተዳደር ሪፖርት በማቅረብና አስፈላጊውን ምክረ ሃሳብ ያቀርባል።